Қазақстан газ тасымалын көбейтеді. Бірақ бұл үшін 106 млрд теңге қажет. Бұл туралы LS-ке энергетика министрлігінде егжей-тегжейі айтылды.
Министрліктің мәліметінше, газ тасымалдау жүйесін жаңғырту аясында 2024 жылы үш ірі инфрақұрылымдық жоба іске асырылуда. Олар мемлекеттік бюджеттен және QazaqGaz қаражатынан қаржыландырылады.
Оның ішінде 31 млрд теңгеге Алматы – Байсерке – Талғар магистральдық газ құбырының (МГ) екінші желісі салынуда.
Сондай-ақ, Ақтөбе МГ бөлінген газ құбырының 43,4 млрд теңгеге үшінші желісі салынуда.
Бұдан басқа, Жаңаөзен – Ақтау МГ-ның төртінші тізбегінің құрылысы 31,6 млрд теңгеге іске асырылуда. Осылайша, жобалардың жалпы құны 106 млрд теңгеге жетеді.
Сонымен қатар, энергетика министрлігінде атап өткендей, Бейнеу – Базой – Шымкент және Ақтөбе – Қостанай газ құбырларының екінші желісін салу бойынша техникалық- экономикалық негіздемені (ТЭН) әзірлеу басталды. Қаржыландыру көздері ТЭН әзірленгеннен кейін айқындалады.
Бұған дейін, LS-ке Қазақстанда көбірек газ өндірілетінін хабарлаған болатын. Сондай-ақ, елде ірі кен орындарында шикізаттың осы түрін өндіру іске қосылды.
